Custodia de territorio:

Coa custodia de territorio preténdese asegurar a conservación e o bo uso dos valores e recursos naturais mediante a implicación dos diferentes axentes públicos e privados.

Rede de Axuda:

Hai moitas asociacións, fundacións e movementos sociais que loitan no seu día a día pola conservación da biodiversidade, a promoción da educación ambiental mais a erradicación da desigualdade. A unión e acción conxunta fai que pequenas iniciativas consigan grandes cambios. É por iso que dende Fundación Naiterra queremos apoiar e promover as accións que xorden dende outras entidades dirixidas aos obxectivos compartidos e potenciar espazos de encontro e comunidades de axuda mutua.

Educación Ambiental:

A educación é a ferramenta por excelencia na transformación social. É por iso que consideramos que promover os valores ambientais, as metodoloxías, estratexias e obxectivos propios da educación ambiental é a forma de que a sociedade pase de ser un ente pasivo ante a perda do medio a ser un ente activo cara á loita da defensa da nosa biodiversidade.