Custodia do territorio

QUÉ É A CUSTODIA DE TERRITORIO?

A custodia do territorio é un conxunto de estratexias e instrumentos que pretenden implicar aos propietarios e usuarios do territorio na conservación e o bo uso dos valores e recursos naturais, culturais e paisaxísticos. Para conseguilo, promove acordos e mecanismos de colaboración continua entre propietarios, entidades de custodia e outros axentes públicos e privados (Basora Roca, X e Sabaté i Rotés, X. 2006).

QUÉ É UN ACORDO DE CUSTODIA?

Un acordo de custodia é un procedemento voluntario entre un propietario e unha entidade de custodia para pactar o modo de conservar e xestionar un territorio. O pacto pode ser verbal ou escrito (Basora Roca, X e Sabaté i Rotés, X. 2006).

QUENES SON AS ENTIDADES DE CUSTODIA?

As entidades de custodia son organizacións publicas ou privadas sen animo de lucro que participan activamente na conservación do territorio mediante as técnicas de custodia do territorio. Poden actuar de entidade de custodia organizacións tan diversas como unha asociación de veciños, unha organiación conservacionista, unha fundación, un concello, un consorcio ou outro tipo de ente público (Basora Roca, X e Sabaté i Rotés, X. 2006).

Río Ulla por Vedra
Río Ulla por Coruña

FINCAS EN CUSTODIA

SEDE SOCIAL - CORA - DA BARCA

Finca onde se atopa a Casa do Barqueiro, persoa responsable de cruzar a xente dunha ribeira a outra do rio Ulla.

Respectando o seu patrimonio histórico, a Fundación reformou a antiga vivenda do barqueiro como Sede Social da Fundación, coa finalidade de poder ofrecer un espazo que permita tecer redes que faciliten a cooperación entre diferentes colectivos e xerar actividades e dinámicas que fomenten a comprensión dos ecosistemas e a súa conservación.

AGRONOVO - ORIXE

Finca invadida pola Robinia pseudoacacia (falsa acacia). A Fundación fixo as labores de erradicación de acacia e replantación con diversas especies propias de bosque de ribeira (abeleiras, freixos, castiñeiros, salgueiros, espiños, sabugueiros e cerdeiras) coa axuda de voluntariado.

COUSO - PINTEGA

Finca con restos de amianto. A Fundación encargouse da eliminación do amianto e reforestación da finca con diversas especies propias de bosque de ribeira así como a elaboración dunha charca para herpetofauna, aproveitando os recursos que a propia finca ofrece para elo.

BURGA - BOCA DE RIBEIRA

Finca invadida por Tradescantia fluminensis (herba da fortuna) impedindo así a floración de especies autóctonas e ameazadas como Narcissus cyclamineus. Ademais, a finca lamentablemente serviu, de forma ilegal, como vertedeiro. Desta forma, as actuacións da Fundación irán encamiñadas á eliminación da flora invasora así como a limpeza e restauración da finca para favorecer a flora e fauna autóctonas propias do Sistema fluvial Ulla-Deza.

PONTEVEA - VEIGA DA PONTE

Finca con flora autóctona propia do Sistema fluvial Ulla-Deza. A Fundación encárgase do mantemento e coidado da finca, mediante a realización de accións que defendan, protexan e fomenten a súa biodiversidade.

GUNDIAN - ZANCA DAS VIÑAS

Finca con flora autóctona propia do bosque de ribeira. A Fundación encargase do mantemento e coidado da finca, mediante a realización de accións que defendan, protexan e fomenten a súa biodiversidade.

GUNDIAN - PONTE ESQUERDA

Finca invadida por varias especies exóticas invasoras, a saber: Acacia melanoxylon (acacia negra) e Acacia dealbata (mimosa), Eucalyptus nitens e Tradescantia fluminensis. A Fundación encargárase da eliminación de ditas especies invasoras así como a reforestación con especies autóctonas co fin de favorecer e fomentar a biodiversidade propia do sistema fluvial Ulla-Deza.

GUNDIAN - PONTE DEREITA

Finca con flora autóctona propia do Sistema fluvial Ulla-Deza. A Fundación encargase do mantemento e coidado da finca, mediante a realización de accións que defendan, protexan e fomenten a súa biodiversidade.

AGRONOVO - COSTAS

Finca invadida por Eucalyptus nitens A Fundación encargárase da eliminación de dita especie así como a repoboación con especies autóctonas co fin de favorecer e fomentar a biodiversidade propia do sistema fluvial Ulla-Deza.

BURGA - ALTO DO MONTE

Fincas con bosque de ribeira en recuperación. Levarase a cabo a plantación de máis especies de bosque de ribeira autóctono ca fin de favorecer e fomentar a biodiversidade propia do sistema fluvial Ulla-Deza.

AGRONOVO - BARREIRA

Finca invadida por Eucalyptus nitens. A Fundación encargarase da eliminación de dita especia exótica así como a repoboación con especies autóctonas ca fin de fomentar e facilitar o desenvolvemento da biodiversidade propia do sistema fluvial Ulla-Deza.

AGRONOVO - GARRIDAS

Finca en bo estado de conservación. A Fundación encargarase da súa custodia así como a repoboación con especies autóctonas ca fin de favorecer e fomentar a biodiversidade propia do sistema fluvial Ulla-Deza.

Actualidade Custodia do Territorio

especies biodiversidad