A educación ambiental é un proceso a través do cal búscase transmitir coñecementos e ensinanzas á sociedade respecto á protección do noso entorno natural, a importancia fundamental sobre conservar o medio ambiente, co fin de xerar hábitos e conductas na poboación, que lle permiten a todas as persoas tomar conciencia dos problemas ambientais na nosa contorna, incorporando valores e entregando ferramentas para que traten de prevelos e resolvelos.
Fundación Naiterra promove a educación ambiental a través das seguintes accións:
Voluntariado ambiental interxeracional
O voluntariado ambiental é positivo dende os puntos de vista dos valores que promove e as finalidades que persegue.
Antonio Ariño (1999), define a acción voluntaria como “a desenvolvida por aquela persoa que se compromete (noción de compromiso), por iniciativa propia (noción de liberdade), de xeito desinteresado (noción de acto sen finalidade lucrativa) nunha acción organizada (noción de pertenza a un grupo ou unha estrutura) ao servizo da comunidade (noción de interese común)”.
En definitiva, desde esta conceptualización estamos a falar dun compromiso social transformador, polo que se actúa para o cambio dunha situación social inxusta.
Así, a acción voluntaria desenvolve nas persoas que a exercen capacidades de tipo social, afectivo, comunicativo; así como valores que fomentan unha actitude crítica, solidaria, desinteresada, responsable,… Aspectos que contribúen ao desenvolvemento integral da persoa e ao desenvolvemento da comunidade en termos de convivencia.
Carteis informativos
Fundación Naiterra ten carteis informativos nas diferentes fincas que custodia promovendo o coñecemento sobre a flora e fauna autóctona, as accións que fomentan o seu mantemento así como as accións que prexudican o seu desenvolvemento.
Charlas/coloquios
Dende Fundación Naiterra promovese a educación ambiental mediante charlas e coloquios das mans de diferentes profesionais do eido ambiental.
Roteiros interpretativos
A mellor forma de conservar o medio é coñecendo e amando o mesmo. Desta forma, os roteiros interpretativos permítennos coñecer dunha forma máis profunda a fauna e a flora autóctona así como os diferentes perigos que ameazan o seu desenvolvemento.
Actualidade de educación ambiental
