Custodia do territorio, a través da protección, conservación, recuperación, rexeneración, reconversión e xeración de espazos de biodiversidade sostibles a longo prazo.

Conservar e promocionar o medio ambiente, mediante a realización de accións que defendan, protexan e fomenten a biodiversidade en todos os seus niveis, sexa mediante a procura dunha muda dos nosos hábitos actuais priorizando a tal fin a educación como instrumento de cambio, sexa mediante as accións directas, sen prexuízo de calquera outras.

Promocionar actuacións destinadas á protección, promoción e mellora da mocidade, favorecendo o desenvolvemento dunha conducta proambiental.

Impulsar proxectos ou programas de desenvolvemento nos eidos social e cultural, de carácter altruísta, humanitario, solidario ou de interese social, xa sexan propios, ou mediante o apoio a outras entidades.