Xornada Voluntariado 19 de outubro

10 Out Xornada de Voluntariado Ambiental 19 de outubro

Posted at 12:24h in Voluntariado by

Desta volta centrarémonos na eliminación de rebrotes da exótica invasora Robinia pseudoacacia que ten invadida a finca, que logo do descascado do inverno e primavera pasadas, rebrotaron das bases dos troncos.

Con este tipo de accións pretendese liberar de especies exóticas invasoras e permitir deste xeito a promoción da biodiversidade autóctona do sotobosque de ribeira da ZEC Sistema fluvial Ulla-Deza.

Que traballos faremos?

Desta volta centrarémonos na eliminación de rebrotes da exótica invasora Robinia pseudoacacia que ten invadida a finca, que logo do descascado do inverno e primavera pasadas, rebrotaron das bases dos troncos. Para elo utilizaremos machadas

Como podo apuntarme?

Para vos apuntardes é imprescindible responder a este email até o 16 de outubro a máis tardar, indicando nome e DNI para vos anotar no seguro. Pregamos que non faltedes, pois as prazas son limitadas.

Onde e cando?

O punto de encontro será a área recreativa de Agronovo, e desde alí camiñaremos á finca para comezar os traballos. Teredes que estar puntualmente ás 9:30h. No caso de chegar tarde, o punto de traballo é este.

Disporemos auga fresca e uns petiscos para o descanso de media mañá con café, froitas e biscoito.

Remataremos arredor das 13:30h para xantar. Se o tempo o permite, xantaremos na propia area recreativa de Agronovo. En caso de mal tempo, sairemos cos coches para o lugar do albaroque, nun local cedido pola Asociación Amabul. Se tedes algunha alerxia, intolerancia ou preferencia alimentaria (vexetariano, vegano), indicadeo no email.

Que teño que levar?

As ferramentas e materiais necesarios para traballar os pon a Fundación. Pola vosa parte é necesario que traiades:

  • Luvas.
  • Utensilios para a comida e café: prato fondo, vaso ou caneca, e cubertos.
  • Roupa cómoda de traballo tendo en conta a climatoloxía. Se chove non se anula a actividade: non hai mal tempo senón roupa non axeitada.
  • En caso de chuvia, recomendamos levar unha muda para cando rematemos o traballo e comer cómodos.