05 Abr Xornada de Voluntariado Ambiental 20 de abril

Comezamos as xornadas de voluntariado con accións de eliminación de exóticas invasoras mais a reforestación co bosque de ribeira na Finca Orixe, á orella do río Ulla.

Esta finca atópase secuestrada pola Robinia pseudoacacia impedindo o desenvolvemento das especies autóctonas propias do sotobosque de ribeira da ZEC Sistema fluvial Ulla-Deza, a saber, carballo, freixo, ameneiro, sauce ou alisedos.

Desta forma dividirémonos en grupos e faremos dúas actuacións simultáneas:

• Por un lado, continuaremos ca eliminación de exóticas invasoras que se iniciou hai un par de meses, concretamente Robinia pseudoacacia, mediante descascado.
• Por outro lado, iniciaremos a reforestación e recuperación do bosque de ribeira, plantando diferentes especies autóctonas.