05 Mar Xornada de Voluntariado Ambiental, domingo 16 de marzo de 2025

Que traballos faremos?

Desta volta centrarémonos na eliminación da exótica invasora Tradescantia fluminensis que ten invadida a finca e a replantación de flora autóctona para continuar coa labor de facer bosque de ribeira e substituír aquelas árbores que non saíron adiante.

Como podo apuntarme?

Para vos apuntardes é imprescindible responder a este email até o 12 de marzo a máis tardar, indicando nome e DNI para vos anotar no seguro. Pregamos que non faltedes, pois as prazas son limitadas.

Onde e cando?

O punto de encontro será a área recreativa de Agronovo, e desde alí camiñaremos á finca para comezar os traballos. Teredes que estar puntualmente ás 10h. No caso de chegar tarde, o punto de traballo é este.

Disporemos auga fresca e uns petiscos para o descanso de media mañá con café, froitas e biscoito (con e sen gluten).

Remataremos arredor das 13:30h para xantar. Xantaremos na recentemente reformada Casa do Barqueiro. Se tedes algunha alerxia, intolerancia ou preferencia alimentaria (vexetariano, vegano), indicadeo no email.

E despois do xantar?

Despois do xantar, non vos vaiades! Tendremos unha charla sobre plantas medicinais, remedios naturais que poden axudarnos no dia cotidiá. E despois, quen quera, vos animamos a traer instrumentos musicais e montar unha jam session para animar a xornada.

Que teño que levar?

As ferramentas e materiais necesarios para traballar os pon a Fundación. Pola vosa parte é necesario que traiades:

• Luvas.
• Utensilios para a comida e café: prato fondo, vaso ou caneca, e cubertos.
• Roupa cómoda de traballo tendo en conta a climatoloxía. Se chove non se anula a actividade: non hai mal tempo senón roupa non axeitada.
• En caso de chuvia, recomendamos levar unha muda para cando rematemos o traballo e comer cómodos.